လူငယ်ထုရင်ဆိုင်နေရသော စိန်ခေါ်မှုများကို ဖြေရှင်းနိုင်ရန်အတွက် သျှမ်းပြည်မြောက်ပိုင်း လားရှိုး မြို့နယ် မိုင်းယော်ကျေးရွာအုပ်စု သျှမ်းလူငယ်တွေ့ဆုံပွဲမှ လူငယ်အဖွဲ့ကို ဖွဲ့စည်းလိုက်ကြောင်း သိရှိရသည်။

မိုင်းယော်ကျေးရွာအုပ်စု လူငယ်တွေ့ဆုံပွဲကို စက်တင်ဘာလ ၂၀ ရက်နေ့က မန့်စန်းရွာ မွေတော် ကျောင်းတိုက်တွင် ကျင်းပရာ မိုင်းယော်အုပ်စု၊ မိုင်းယန်းအုပ်စု၊ မိုင်းဟက်အုပ်စု၊ ပန်ထိုလင်ရွာ၊ ကွန်ဖြူကျေးရွာတို့မှ လူငယ် ၄၅၀ ကျော် တက်ရောက်ခဲ့သည်။


“လူငယ်တွေ တွေ့ကြုံနေရတဲ့ မူးယစ်ဆေးဝါးပြဿနာတွေကို ဖြေရှင်းဖို့၊ လူငယ်အရည်အချင်း မြှင့် တင်ရေးလုပ်ငန်း လုပ်ဆောင်ဖို့ မိုင်းယော်လူငယ်အဖွဲ့ကို ဖွဲ့စည်းရတာ ဖြစ်ပါတယ်။ တက်ရောက် လာတဲ့ လူငယ်တွေရဲ့ ဆန္ဒသဘောထားနဲ့ပေါ့။ အလုပ်အမှုဆောင်အဖွဲ့ကိုတော့ လူငယ် ၂၇ ဦးနဲ့ ဖွဲ့စည်းလိုက်တယ်” ဟု တွေ့ဆုံပွဲသို့ သွားရောက်ကူညီခဲ့သည့် Tai Youth Network မှ စိုင်းဝမ်းလှိုင်း က ပြောပါသည်။




သျှမ်းစာပေနှင့်ယဉ်ကျေးမှုအသင်းမှလူငယ်များ၊ ဝုန်းမေတ္တာအဖွဲ့၊ မိုင်းယော်တိုက်နယ် သျှမ်းစာပေ သင်ကြားရေးမှ ဆရာ/မများကစုပေါင်းကာ တွေ့ဆုံပွဲဖြစ်မြောက်ရေးကော်မတီဖွဲ့စည်းပြီး မိုင်းယော် ကျေးရွာအုပ်စု သျှမ်းလူငယ်တွေ့ဆုံပွဲကို ပြုလုပ်ကျင်းပခဲ့ခြင်း ဖြစ်သည်။


“ဒီနေ့ခေတ် မိုင်းယော်ဒေသမှာ မူးယစ်ဆေးဝါးတွေ အရမ်းပျံ့နှံ့နေပြီ။ လူငယ်တော်တော်များများ လည်း မူးယစ်ဆေးဝါးသားကောင်တွေ ဖြစ်နေကြပြီ။ လမ်းပန်းဆက်သွယ်ရေး ခက်ခဲတာကြောင့် ပညာရေးဘက်မှာ လျော့ပါးနေတာ၊ ယုံကြည်ကိုးကွယ်မှုတွေမှာ မှားယွင်းနေတာတွေလည်း ရှိနေ ပါသေးတယ်။ ဘာသာရေးပွဲတွေလည်း အများအပြားရှိနေတယ်။ ပွဲတော်တွေမှာ လောင်းကစား တွေများသလို မူးယစ်ဆေးဝါးသုံးစွဲကြတာလည်း များတယ်။ ဒီပြဿနာတွေကို ဖြေရှင်းဖို့ လူငယ် တွေ တွေ့ဆုံအဖြေရှာသင့်တယ်လို့ လူမှုရေးလှုပ်ရှားနေတဲ့လူငယ်တွေက မြင်တယ်။ ဒါကြောင့် လူငယ်တွေ့ဆုံပွဲ လုပ်ရတာပါ” ဟု စိုင်းဝမ်းလှိုင်းက ပြောပါသည်။




တွေ့ဆုံပွဲ၌ လူငယ်များက မူးယစ်ဆေးဝါးပြဿနာကို တက်တက်ကြွကြွ ရဲရဲရင့်ရင့် ဆွေးနွေး သကဲ့သို့  ယနေ့လူငယ်များ တွေ့ကြုံနေရသည့် အခက်အခဲများကို ဝိုင်းဝန်းဆွေးနွေးခဲ့ကြသည်ဟု ဆို၏။


“ကျနော်တို့ဒေသမှာ ဒီလိုတွေ့ဆုံဆွေးနွေးပွဲဆိုတာ မရှိဖူးဘူး။ တက်ရောက်ရတဲ့အတွက်လည်း ဝမ်း သာတယ်။ ဒီတွေ့ဆုံဆွေးနွေးမှုကနေ မူးယစ်ဆေးဝါးပြဿနာကို ဖြေရှင်းနိုင်မယ်လို့ ယုံကြည်တယ်” ဟု တွေ့ဆုံပွဲတက်ရောက်သည့် လူငယ်တဦးကလည်း ပြောပါသည်။


မိုင်းယော်ကျေးရွာအုပ်စုသည် လားရှိုးမြို့ အရှေ့မြောက်ဘက် မိုင် ၃၀ ခန့်အကွာ၌ တည်ရှိသည်။