ရပ်ကွက် လုံခြုံရေး အတွက် မူစယ် လူငယ်နှင့် ရပ်ကွက် သားများ မူးယစ် ဆေးဝါး စုပေါင်း တိုက်ဖျက်



သျှမ်းပြည်မြောက်ပိုင်း မူစယ်မြို့နယ် တောင်ရပ်ကွက်တွင် လူထုလုံခြုံရေးအတွက်ရည်ရွယ်ကာ ဒေသတွင်းလူငယ် နှင့်ရပ်ကွက်သားများစုပေါင်းကာ မူးယစ်ဆေးဝါးရောင်းဝယ်ဖောက်ကားသူ များအား ဖမ်းဆီးခဲ့ကြကြောင်း ဒေသတွင်း သတင်းအရ သိရသည်။  






ဂျွန်လ ၃၀ ရက် ယနေ့မနက်ပိုင်းက အင်အား ၂၀ ကျော်ရှိလူငယ်နှင့်ရပ်ကွက်သားများက တောင် ရပ်ကွက်အတွင်းရှိ (မူးယစ်ဆေးရောင်းဝယ်သုံးစွဲသည့်လမ်းအတွင်း) ရှင်းလင်းရေး ပြုလုပ်ခဲ့ကြ ခြင်းဖြစ်သည်ဟု ရပ်ကွက်သားတဦး ဖြစ်သည့် လုံးစိုင်းက ပြောသည်။

“ရပ်ရွာထဲမှာ မူးယစ်ဆေးရောင်းတဲ့လူတွေ မူးယစ်သောက်သုံးတဲ့လူတွေများလာတယ်။ ဒီမနက် မူးယစ်ဆေးရောင်းတဲ့အသည် ၂ သည် ၃ သည် ဖမ်းမိပါတယ်။ ယာဘတွေရော ဘိန်းဖြူတွေရော။ အခုတော့ သူတို့တွေကို ၀မ်နင်ပေး ပြီး ပြန်လွှတ်ပေးလိုက်ပါပြီ။ မူးယစ်ဆေး မရောင်းဖို့။ ရောင်း မယ်ဆိုရင်လည်း ပေါက်စန်း(တောင်ရပ်ကွက်)ထဲ လာ မရောင်းဖို့ပေါ့။ ပစ္စည်းတွေကိုတော့ ကျနော် တို့ သူတို့ရှေ့မှာဘဲ မီးရှို့ဖျက်ဆီးလိုက်ပါတယ် ” - ဟု လုံးစိုင်းက ပြောသည်။

ယခုတခေါက် ကိုယ်ထူကိုယ်ထ မူးယစ်ရှင်းလင်းရေးအဖွဲ့၏ စီမံကိန်းကို ဒေသတွင်းအာဏာပိုင် နှင့်ရဲများအား အသိပေးခြင်းမရှိသေးကြောင်း၊ လူငယ်ထုနှင့်အတူရပ်ကွက်တွင်း ကချင်၊ သျှမ်း လူထု၊ လူပျိုခေါင်း၊ ယဉ်ကျေးမှု အဖွဲ့တို့ ပါဝင်ကြောင်း၊ ရှင်းလင်းရေးစီမံကိန်း လူအင်အားနည်း နေသေးသဖြင့် မူးယစ်လက်သည်ကြီးအချို့ကို လက်လွှတ်ထားလိုက်ရကြောင်း၊ သို့သော် ရှင်းလင်း ရေးကို ဆက်တိုက်လုပ်သွားဖို့ရှိကြောင်း ဦးဆောင်သူလူငယ် တဦးဖြစ်သည့် စိုင်းလိတ်က ပြော သည်။    

“အခုကျနော်တို့လူအင်အားနည်းနေသေးတယ်။ ပြီးတော့ သူတို့ကို သတိပေးတဲ့အနေနဲ့ဘဲ ရှိသေး တယ်လေ။ နောက်တခုက သွားရမယ့်နေရာကလည်း မတူဘူး။  တကယ်ဖမ်းမယ်ဆိုမှ အင်အား များများသုံးမယ်”  - ဟု စိုင်းလိတ်က ဆိုသည်။

မူးယစ်တိုက်ဖျက်ရေးလှုပ်ရှားမှုတွင် ပါဝင်သော ရပ်ကွက်သားတဦးဖြစ်သည့် ကိုနော်ဂျာက -
“ရပ်ကွက်နားတဝိုက်မှာ မူးယစ်ဆေးရောင်းဝယ်တဲ့သူတွေ သောက်သုံးတဲ့သူတွေက လမ်းဘေးမှာ ဘဲ ထိုးပြီးရောင်းဝယ် ရှူသောက်နေကြတာ ပေါ်ပေါ်ထင်ထင်ရှိလာတော့ ရပ်ကွက်သားတွေအနေနဲ့ နေရထိုင်ရတာ အဆင်အပြေဘူးပေါ့နော်။  ရပ်ကွက်လူထုကို မထီမဲ့မြင် လုပ်နေသလိုဖြစ်နေ တယ်။ ကျနော်တို့ လုံခြုံမှုအတွက်လည်း စိုးရိမ်ရတယ်။ ကျနော်တို့ လူငယ်တွေ သားသမီးတွေ အတွက်လည်း မကောင်းဘူး။ ဒီလို ပတ်ဝန်းကျင်ထဲမှာ ကျင်လည်နေရတာ သူတို့ အနာဂတ် အတွက် စိုးရိမ်ရပါတယ်။ တာဝန်ရှိပုဂ္ဂိုလ်တွေလည်း ထိထိရောက်ရောက် ကွင်းဆင်းရှင်းလင်းတာ မရှိတော့ ကျနော်တို့ လူထုကိုယ်တိုင် ရှင်းလင်းရေးလုပ်နေရတယ်။ ကျနော်တို့အားလုံး လက်တွဲ ပူးပေါင်း တိုက်ဖျက်မှဘဲ အောင်မြင်နိုင်မှာ ဖြစ်ပါတယ်။”  - ဟု သျှမ်းသံတော်ဆင့်အား ရှင်းပြပါ သည်။

တဖက်တွင်လည်း မူစယ်မြို့ရှိ မူးယစ်ဆေးစွဲသူများအား HIV ပိုးမကူးစက်အောင်၊ ဆေးသောက် သုံးသူတွေ ဘေးကင်းအောင် ရည်ရွယ်ပြီး အစိုးရမဟုတ်သောအဖွဲ့အစည်းတခုဖြစ်သည့် (MANA) မာနာအဖွဲ့က ဆေးထိုးအပ်အပြင် အစားအသောက်အတွက် အနည်းအကျဉ်းကူညီပေးနေကြောင်း မြို့ခံများကပြောသည်။ သို့သော် အဆိုပါ ဆေးသုံးသူများက ဆေးထိုးအပ်များကို လမ်းဘေးနှင့် လယ်ကွင်းများထဲတွင် စည်းမဲ့ကမ်းမဲ့ လွှင့်ပစ်ထားသဖြင့် ဒေသတွင်းလူထုနှင့် ကလေးငယ်များ အတွက် အန္တရာယ်တခုဖြစ်နေကြောင်း လူငယ်မိဘများက ပြောပါသည်။  

တရုတ်နယ်စပ် မူစယ်မြို့နှင့် နမ့်ခမ်းမြို့တို့တွင် မူးယစ်ဆေးဝါး လွန်စွာပေါများလာသည်နှင့်အမျှ    တရုတ်၊ သျှမ်း၊ တအာင်း  လူငယ်၊ လူရွယ်အပြင် အသက် ၆၀ ကျော်များ အမျိုးသမီးငယ်များပါ  ဘိန်းဖြူ၊ ယာဘ၊ အိုက်စ် နှင့် အခြားမူး ယစ်ဆေးဝါးများ  သုံးစွဲကာ အကျင့်စာရိတ္တ ပျက်စီးနေကြ ကြောင်း၊  ထိုဒေသအတွင်း ယာဘဈေးနှုန်းမှာ WY စာတမ်းပါ ပန်းရောင်ဆေး ပြားတပြား ၁၅၀၀ ကျပ်၊ WY ပထမတန်း ၂၅၀၀ ကျပ် ၊ X တံဆိပ်တပြား ၂၅၀၀ ကျပ်၊ ၈၈၁ တံဆိပ်တပြား ၂၀၀ ကျပ်ရှိကြောင်း သိရသည်။ ယခုနှစ်ဆန်းပိုင်းကလည်း နမ့်ခမ်းမြို့ ကောင်းဆာရပ်ကွက်တွင် ရပ်ကွက်လုံခြုံရေး အဖွဲ့က မူးယစ်ဆေးရောင်းသည့် ပြည်သူ့ရဲ ၂ ဦးအား ဖမ်းဆီးမိခဲ့သည်။




 
© 2012 All Rights Reserved | Asean Celebrity | Fonts @ AtFonts | Free Templates